Back

ⓘ हृदयेन्द्र शाह




हृदयेन्द्र शाह
                                     

ⓘ हृदयेन्द्र शाह

हृदयेन्द्र शाह नेपाली शाही राजपरिवारको सदस्य हुन् । हृदयेन्द्रको जन्म काठमाडौं नारायणहिटी राजदरबारमा युवराज पारस वीर विक्रम शाह देव, र युवराज्ञी हिमानी राज्य लक्ष्मीदेवी शाह को सन्तानको रुपमा भएको थियो। तत्कालीन श्री ५ ज्ञानेन्द्रबाट उनलाई जन्मेकै दिन श्री ५ नवयुवराजधिराज घोषित गरिएको थियो भने २०५९ साउन २४ मा उनलाई हृदयेन्द्र वीर विक्रम शाहदेव नामाकरण गरिएको थियो।

उनलाई नवयुवराज घोषणा गरेपनि २०६३ मा पनर्स्थापित संसदले राजाको उत्तराधिकारी सम्बन्धी कानुनमा संशोधन गरेपछी उनी शाही सिंहासनको रोलमा दोस्रो स्थानमा रहेका थिए। २०६५ जेठ १५ मा राजतन्त्र आधिकारिक रूपमा समाप्त भयो। राजतन्त्रको अन्त्य नभएसम्म उनलाई नेपालमा नवयुवराज भनेर चिनिन्थ्यो।

उनका हजुरबुवा ज्ञानेन्द्र वीर विक्रम शाह देव नेपालका पूर्व माहाराज हुन् र उनको हजुरआमा रानी कोमल राज्य लक्ष्मीदेवी शाह राणा राजवंशका सदस्य हुन् । आमाको तर्फबाट उनको सिकरको भारतीय रियासत परिवारमा पनि सम्बन्ध छ, जुन शेखावत कुलको हो।